近来忽然间，很想念周星驰的电影，于是找出了他的经典对白。
蛮经典的，有些看了都捧腹大笑！
《望夫成龍》
娣：流星呀！人地話對住流星許願會好靈ga！
石金水：流星喎！話明「流」ga咋，你都信？
《一本漫畫闖天涯》
阿星表演唱歌﹕老豆有身己…己…己…己…恭喜恭喜。
阿星：話說小明個老豆有三個仔，大仔叫大毛，二仔叫二毛，咁三仔叫咩名？
朱標：三毛！
阿星：錯！
朱標：冇毛！
阿星：錯！
朱標：格肋底毛！
阿星：哈！哈！哈！
《師兄撞鬼》
張標：睇你夠唔夠薑架咋！試下？
星：薑我就實夠，恐防你呢招唔得。
張標：我呢招就實得，唔知你d薑夠唔夠？
星：薑我就唔止話夠，仲多過頭添呀。
張標：我d招唔止話實得，就驚得過籠。
《賭聖》
三叔：由今日開始，你江湖上既綽號就叫做賭……聖。
阿星：有自己既風格！………賭聖！………請問賭聖係邊個聖？
三叔：性病個性。
阿星：啋！
三叔：個衰仔叫我阿叔就冇事，一加個三字呢，叫三叔我就收ga啦！
六姑：咁你失控果陣會點ga？
三叔：（淫笑)你唔好坐咁埋呀！會強姦你ga！
六姑：心想：係就好呀！都唔知恨左幾耐！
賣魚盛：咁你失控會唔會賴屎ga？
三叔：賴屎落你個咀！
阿星：我好打得ga你信嗎？
打手：我信。
阿星：我唔信你信。
打手：你信我啦，我信呀！
阿星：你信無非都係想我表演下姐！
打手：唔好呀！唔好呀！我唔信啦！我唔信啦！
阿星：你唔信，我唯有証實比你睇啦！
打手走住咁話：我早知你係咁講ga啦！
阿星：早知咪就得囉！
三叔：我鍾意呀！你吹得我漲咩？
阿星：吹唔漲，你咁勇邊個吹得你漲姐！
三叔：吹唔漲咪就得咯！
阿星隔牆看見芝女從床上跌倒……
三叔：隔住蓬牆你都睇到？
阿星：我想既話睇到架！
三叔：我條底褲咩色？
阿星：你都冇著！
三叔：等陣！（拎左幾隻麻雀)呢幾隻係咩？
阿星：麻雀。
三叔：咩野麻雀？
阿星：唔曉飛果種。
三叔：「cum」住果d咩牌呀？
阿星：中間三隻發財、右邊四隻紅中、左邊四隻白板，係咁多！
《無敵幸運星》
巢家二哥：咁鍾意啜野，啜得好過癮啦？想邊隻手指唔要？
幸運星：隻隻都要架！呢隻（手指公)愛黎打手指模 、呢隻（食指)愛黎篤人背脊 、
呢隻（中指)問候支持月影 、呢隻（無名指)愛黎戴結婚戒指 。
巢家二哥：咁手指尾呢？
幸運星：手指尾愛黎撩鼻屎。
《賭俠》
阿星第一次拍攝Video時………
阿星：賭神師傅大人在上，細佬阿星在下，細佬三歲過澳門，四歲入葡京，五歲都賭到變成精，
六歲就學人行老正，點知七歲就輸到「陷家拎」今年行年廿七都仲係一事無成，
咁就想話拜於賭神門下呢，能夠學到一技旁身。
三叔：咪住咪住！你拉出條褲鏈咩意思呀？
阿星：冇呀！我想嚇一嚇賭神比個下馬威佢之嘛。
阿星第二次拍攝Video時………
阿星：昨日，我菲律賓工人行過街市，
聽到有個賣魚佬講話有條友仔叫做賭神，
係你。哈哈……我當堂嚇一跳，然後得啖笑。呢個世界，
居然有人自稱為賭神，咁即係分明當我流唧！拿！我就叫賭聖，
你賭啤都要帶隱形液晶體眼鏡啦，我睬你都o徒氣，直情睇穿副牌，
呢d就叫特異功能。呢度有隻A士，只要我輕輕一渣，就即刻變左一隻皺左既A士，
因為我未發功丫嘛。我發左功變副麻雀出呢都仲得。你話我果然無厘頭呀，我夠話你訓醒戇九九咯。
望咩呀？條氣唔順呀？發個輪黎大家研究下。
當然，你要補番一百幾十萬過我就唔在講ga啦。
啤咩呀？學野唔使錢呀？抄底我聯絡電話係香港3345678，
我再重覆一次係香港3345678。你唔搵我我冇所謂，因為呢d係你既損失。
十點鐘後唔好打黎，因為我訓左！
《整蠱專家》
古晶：來者何人？
車親仁：你老豆呀！
古晶：我老豆，大水牛！我老母，大風爐！若然你再係亂咁認，我實行燒你本數簿，燒你數簿。
車親仁：你老豆，就係我，支持月影，萬幾個，生得你出就唔怕認，好過你以後調調fing，調調fing。
車文杰：番屋企，嚇餐死，差d比你斬開兩尾。
古晶：我同老豆做大戲，現在正係玩到興起，大哥不如起度換件衫，同我地做番齣床上戲，床上戲。
車文杰：咩叫洞房呀？
古晶：呢個係一個好生理既問題。首先男女雙方會處於一個極度興奮既狀態，
雙方經過一輪前奏之後，男方會將佢果條……
眾人：果條咩呀？
古晶：果條褲頭帶鬆開。然後呢，新娘就會將佢果塊……
眾人：果塊咩呀？
古晶：果塊紅頭巾揭開。然後呢，佢地……
眾人：佢地點呀？
古晶：就開始洞房。
眾人：車！﹗
車文杰：你著鞋唔著襪！
古晶：大方兼老實！
車文杰：你頭髮似堆草！
古晶：唔駛去飛蠖?！
車文杰：你行路似隻貓！
古晶：唔會打大交囉！
車文杰：但係你講野一舊舊喎！
古晶：似足我地老豆！
古晶介紹自己﹕
我就係風魔萬千少女，改進社會風氣，刺激電影市道，提高青少年人內涵，
玉樹臨風，風度翩翩既整蠱專家，我個名叫古晶，英文名叫Jing Koo。
《龍的傳人》
周小龍代毛仁勝接電話：呢個係電話錄音服務，請你起"do"一聲之後開始講野。"do"。
貴利佬：XYZ○#!@?
周小龍："do""do"，先生，由於你講粗口既緣故，電話錄音服務立刻終止，"do""do""do"！
周小龍在快餐店落單：唔該，熱奶茶、凍檸水、粟米忌廉湯、免治牛飯同埋焗豬扒意。
服務員：粟米忌廉湯對落果個係咩呀？
周小龍：免治牛飯。
服務員：免治牛飯對上第二個係乜野？
周小龍猶疑……
服務員：唔準諗，快d講！
周小龍：係熱奶茶！
服務員：熱奶茶同焗豬扒意中間三個裏面既第二個係咩野？
周小龍：豬扒………奶茶飯！
服務員：錯！
周小龍：粟米………凍檸湯！
服務員：錯！
周小龍：免治………豬奶水！
服務員：錯！
周小龍：紅燒鮑翅！
服務員：錯！
周小龍：清蒸海鮮斑！
服務員：錯！
周小龍：百年好合紅豆沙！
服務員：錯！
毛仁勝去完廁所回來：喂！你搞邊科呀？
周小龍起床時必唱之歌﹕
晨早起床，清新開朗……
陽光溫暖，帶來無限美……
《新精武門1991》
大爛雄：強哥，呢排李sir昅得咁緊你知ga啦，我地講數都要轉下方式。
灣仔個地盤就用「山竹牛肉」黎做代號。
強哥：好呀，大爛雄，以前我都益過你唔少好野，今**應該比我食左呢碟「牛肉」啦！
大爛雄：比你食左我隻「牛肉」，我點向d「馬仔」交代！
強哥：挑！你大我呀！你當我西環d「鳳爪」流ga？
大爛雄：咁講落去，都係兩敗俱傷既姐，如果你比碟「牛肉」我食既，我將旺角兩個「雞扎」俾左你！
強哥：「雞扎」我夠有啦，拿，最多我加多三碗上個月起越南運黎既「蓮子羹」俾你啦！
大爛雄：「蓮子羹」有咩用呀？我屋企仲成箱「菠蘿」添呀！
大爛雄：唔好講啦，我再大方d，加多碟「肉片炒河粉」比你，
你知d粉幾好利錢ga啦，而家成碟炒俾左你喎！唔夠呀？搭多兩條「油菜」啦！
強哥：「油菜」咩意思呀？
大爛雄：冇咩意思架！諗住加d色水好睇d咋！
強哥：挑！大爛雄呀！識左你十幾年都唔識轉膊架！呢碟「牛肉」我地就一人一半！
大爛雄：唔得！我要一個人食晒！
劉精：各位！唔駛爭呀！要多籠咪得咯！
瀟洒為避貴利佬追債，叫張權扮警察………
瀟洒：呢位就係蘇格蘭場特派駐港香港秘密警察第九中隊飛虎隊既大隊長張權。
貴利佬：大炮權，你幾時做左飛虎隊隊長呀！
瀟洒：乜你地識既咩下？
張權：大舅。
瀟洒：大舅！咁你做雞既老婆咪即係佢細妹？
貴利佬：你講咩呀！
瀟洒：我冇嫖佢呀！咁既料點嫖呀！
張權：咩呀？
瀟洒：咁呀係我唔o岩既，自己友應該幫襯下呀嗎，下次一定幫襯，一定嫖你老婆，一定嫖返次既。
貴利佬：咩話！
瀟洒：其實做雞既細妹都冇乜唔好呀！起碼都係自力更生正當職業呀！
下話…做雞又點夠做大耳窿好呀，下話，做雞得雞碎咁多，你就撈到盤滿砵滿，所以大耳窿好過做雞。
張權：仲講！
《逃學威龍》
周星星：Morning Sir！周星星報到。
Sir：真係抵死，仲咁青靚白淨。轉個圈比阿Sir睇下，唔駛怕醜ga，黎呀。
周星星轉圈，阿sir吹口哨，又伸手摸佢……
Sir：情不自禁，真係唔好意思。想唔想扎呀？
周星星：我唔想做鴨，sir。
Sir：我問你想唔想扎呀？
周星星：我係唔會做鴨既，sir。
Sir：九唔搭八，我問你想唔想升級呀？
想，但係我係唔會出賣自己既貞操既，sir。
Sir：邊個要你既貞操姐，我要你既青春呀。
周星星：青春對於我黎講同貞操一樣咁重要，sir。
周星星：教書我冇乜信心。
阿頭：唔係叫你扮教師，叫你扮學生。
周星星：扮學生！我當年就係因為至憎讀書先至加入警隊，我唔可以扮學生架！
阿sir，你咁樣做，就等如將我帶去一個滿佈毒蛇猛獸既火山口上面，
唔理我既哭叫，唔理我既哀號，狠狠地、亳無憐憫地，將我用腳一伸，
伸入火紅既岩漿裡頭，你咁做又於心何忍呢？
阿頭：咁咪好囉！等你活得豐富，死得精彩！唔駛講啦，吟詩都吟唔甩ga啦！
阿女麻：請飲茶！
周星星：唔該，唔該。
阿女麻：你地係同學呀？
周星星：係呀！係呀！
阿女麻：一齊讀書ga？
周星星：係呀！係呀！
阿女麻：書友黎ga？
周星星：係呀！係呀！
阿女麻：你地係同學呀？
周星星：係呀！你點知ga？
周星星：較剪腳喎，你話笑死唔笑死。
達叔：唔係呀！佢以前真係好勁架。
周星星：以前咋下話。
達叔：一個打廿個。
周星星：打廿架飛機就有佢份。
《賭俠Ⅱ之上海灘賭聖》
阿星對傳媒發言﹕我除左每朝早同賭神師傅食早餐之外，仲起佢身上學到戰無不勝、
攻無不克既功夫，堪稱係賭神技術裏面既極品，
已經達到如有神阻必將神消滅，如有佛阻又將佛殺除既境界。
打手：喂！你係邊個？點解我唔識你既？
周大福：你梗係唔識我啦！我高級過你丫嘛。
打手：暗號！暗號！
周大福：咩暗號呀？
打手：我話你聽，係「床前明月光，疑是地上霜，舉頭望明月」，下一句係咩？
阿星：係人都知啦，係「低頭思故鄉」丫嘛。
打手：錯！係「London Bridge Falling Down」。
阿星+周大福：下！爭咁遠？
《情聖》
Apple碌了落樓梯………
程勝：冇事丫嘛？
Apple：冇事，好彩撻地都唔係好硬姐！
程勝：係！（踏地兩下)真係幾"淋"喎！碌多次玩下囉？
周潤發：你究竟係何方神聖？
程勝：江湖險惡，我從來都唔輕易留低我既姓名。
周潤發：你既然唔肯留低姓名，就留低人頭啦！
程勝：我一生孤獨，唯一相依為命既就只有呢個人頭，你要拎佢走，怕且都唔係咁易喎！
周潤發：好！係你迫我出手既，我要用你既鮮血染紅呢片大海。
程勝：我一生漂泊，就仿如汪洋裡面一葉孤舟，早將生死置之度外。
周潤發：喂喂喂！你地執番好間屋未呀？
阿萍：放心啦！一d証據都冇留低，保證屋主返黎唔會發覺。
程勝：d指模呢？
眾人：………
程仙：所以你地始終都係未夠班，全屋既指模已經比我用毛巾抹乾淨，條毛巾亦已經化為灰燼。
程勝：d灰亦都比我撈埋d蚯蚓dum落鹹水海度餵泥蜢。
程仙：今朝我將d泥蜢釣晒上黎煲成泥蜢粥，俾佢食左落肚。
程勝：經過我既消化，而家所有既證據，已經變成一篤屎。
《漫畫威龍》
牛皮搵到婉君的日記，準備同劉精一同捉*夫………
牛皮開始讀出日記：這一個晚上，我終於找到我心愛的人………
劉精以為講緊自己：牛，其實我一直想同你解釋………
牛皮：咁樣實在太嘔心啦！
劉精：佢咁寫？
牛皮：唔係，係我講既，咁樣寫仲唔嘔心？你話解釋咩話？
劉精：我冇講野呀。
牛皮：咁邊個講呀？
劉精：總之唔係我。
牛皮繼續讀日記：他那雪白的牙齒，明亮照人………
劉精立刻緊閉雙唇……
牛皮：大大的咀巴，像呼喚你親他一下………
劉精：將咀咪起……
牛皮：他圓大的眼睛，像跟你說話………
劉精：雙眼矇起來……
牛皮：但當他收細的時候，會露出淡淡的愛意……
劉精將眼弄成一大一細……
牛皮：若他能把眼弄到一大一細，這訊號就是要你跟他做愛………
劉精戴上太陽眼鏡……
牛皮：你做咩呀？
劉精：燦眼！
牛皮繼續讀日記：還有他那把凌亂的頭髮，就如春風一度之後的嫩草，
多麼的迷人啊！我多麼希望讓他知道我的心意………
劉精：將檯上的瘦肉粥塗在頭髮上……
牛皮﹕上帝！我已被他那五呎七吋高的身型吸引了！
劉精：「兀」高腳……
牛皮﹕他的名字就是留………
劉精以為被發現﹕唔駛講啦！果個人其實就係我………
牛皮﹕……在我心底裡的秘密，不能與人分享。
劉精大驚！……
牛皮﹕你話咩話？就係你？
劉精：我係話，呢個人其實係我……同你都唔識既極度神秘既人物！
牛皮﹕唔！冇錯！點解你頭頂咁多白米既？
劉精：d頭皮黎姐！
牛皮﹕咁點解有瘦肉呢？
劉精將瘦肉食左：瘦肉梗係愛黎食ga啦！你問得咁奇怪既？
牛皮﹕啊！太有道理啦！你做咩要「兀」高腳黎同我講野呀？
劉精哼起歌跳起舞來：係咩？咁既，每日呢個時候我都會練芭蕾舞，你出去先啦！
牛皮﹕嘩！劉師傅真係博學！
《家有囍事》
常歡：何小姐，介唔介意望住我雙眼呢？
何里玉：咁又點呢？
常歡：似邊個？
何里玉：E.T.？
常歡：多謝！但係可唔可以再望真d，睇下發覺到d乜野？
何里玉：好大對眼袋呀！
常歡：對唔住，呢排比較夜訓左d，介唔介意再仔細d睇下，睇下裡面……
何里玉：OH！好大粒眼屎呀！
醫生：佢既病徵包括有抑鬱………
常歡即刻起度喊……
醫生：癲癇………
常歡即刻抽筋……
醫生：精神分裂………
常歡﹕邊個淫蕩呀？你淫蕩。邊個淫蕩呀？我淫蕩。
醫生：輕佻驕傲………
常歡咬著牙籤﹕哼……
醫生：冇大冇細………
常歡即刻衝前錫左Sheila一啖……
常滿：嘩！大嫂都錫，你真係冇大冇細呀你！
醫生：就係咁啦！有犯罪傾向………
常歡一刀插向枕頭﹕家陣「老笠」呀！除左條底褲出黎！
……唔係要錢呀！要條底褲呀！咩呀？底褲都唔著？
醫生：月經前緊張………
常歡唔知點做﹕你玩我呀四眼仔？
《逃學威龍2》
周星星：大家聽住，我地而家要搵既人呢，係一名中國籍鬍鬚肥佬，有冇發現？
飛虎隊甲：冇發現呀sir。
飛虎隊乙：阿sir呀，咁佢有咩特徵呀？
周星星：特徵？……猥瑣，非常猥瑣。
飛虎隊丙：咁佢人品好嗎？
周星星：叫你相睇呀人品點？邊條粉腸係度亂咁問呀？
周星星：有冇見「Terminator」呀？
學生：邊個「Terminator」呀！
周星星：「占士邦」呀？
學生：邊個「占士邦」姐！
周星星：「訓導主任」呀？
學生：邊個主任「訓」左起「度」呀！
周星星：拖出去打！
飛虎隊甲：Yes Sir！
達叔失戀吟詩﹕問世間情是何物？直教生屎相許，烏啄啄兮烏啄啄，莫奈何兮莫奈何，你阿媽兮………
審死官》
賓少：我阿財係花旗國買番黎既狗王喎！
宋世傑：我阿福夠係法蘭西買黎既賤人咯！
宋世傑叫阿福拎枝柴對住陳大文隨從……
隨從﹕你做乜搵枝柴對住我﹗？
宋世傑：咁咪o岩囉，廢柴對廢柴。
隨從﹕從來冇人咁同我講野﹗
宋世傑：咁梗係啦，邊度有人會同條柴講野既呢。
宋李氏解釋為何帶楊秀珍回家﹕
呢個女人個老公，係俾呢個女人個老公既大佬同呢個女人個老公既大佬既老婆毒死，
呢個女人既老公既大佬同呢個女人個老公既大佬既老婆仲陷害呢個女人，
話呢個女人殺死呢個女人既老公，好彩呢個女人有個妹仔話俾呢個女人知，
個女人就溜夜走出黎搵呢個女人既二哥，點知呢個女人既二哥又爛賭又冇人性，
呃晒呢個女人既錢，仲將呢個女人賣俾呢個女人既二哥既同姓兄弟做老婆，
後來呢個女人既二哥，仲dum低埋呢個女人自己走左去，咁呢個女人就跟左我返黎。
《鹿鼎記》
建寧︰整個至靚仔既樣出黎睇下？
韋小寶︰唔需要！家陣經已係。
建寧︰哈哈……咁整個至醜樣既樣出黎睇下？
韋小寶︰唔得喎！點整都唔會醜架喎！
建寧︰哈哈哈哈……咁整個至淫賤既樣出黎睇下？
韋小寶︰更加唔需要！你照一照鏡就係。
建寧︰我呀？哈哈哈哈哈哈………
韋小寶被皇上報一渣之仇時說﹕
善有善因，惡有惡報，天理循環，天公地道，我曾誤渣龍者，
今日皇上渣我，實在渣得有教育意義之極，我對皇上景仰之心，
有如滔滔江水綿綿不絕，又有如黃河氾濫，一發不可收拾。
建寧︰喂喂喂，不如你扮龜丫！
韋小寶︰係，對唔住，扮乜都得，但係我唔會扮龜。
建寧︰點解呀？
韋小寶︰呢個係我原則黎。
建寧︰咁好啦，你唔扮龜，就要俾我打！
韋小寶︰咁好啦，我扮龜。
建寧︰我又唔要啦！打！
韋小寶︰哎呀！……我都係扮龜丫！扮龜好過癮ga！
《鹿鼎記2神龍教》
多隆︰大人，我預備左d好野幫得你手。淫不風流枉少年！淫賤女麻女麻咸外父！
淫那琵琶小喇叭！大人，呢三隻春藥當今世上
韋小寶︰都算最渣啦。睇我d啦細佬！
多隆︰嘩！乜家伙？
韋小寶︰除左天下第一淫藥「奇淫合歡散」之外，「我愛一碌葛」實在可以稱霸淫賤界。
呢劑野莫講話唔掂得，聞下都唔掂呀！
多隆︰咁犀利？
韋小寶︰試下你就知！
韋小寶灑向多隆，但誤中另一人………
多隆︰犀利成點呀？
韋小寶︰顧名思義，呢劑野毒發既時候，中毒者就會對條狀或者碌狀既物體黎發姣，
不停咁追住黎索吻，無論你點樣反抗，甚至乎奚落佢，或者毒打佢，佢都一樣勇往直前，唔會放棄。
《武狀元蘇乞兒》
蘇燦和父親無所事事在乘涼………
蘇燦父唱歌：男兒為國家…條辮冇掟掛…fing下，fing下…我"mung"長又彈下
蘇燦激動拍檯：阿爹！我決定上京考文武狀元！
蘇燦父激動拍檯：阿燦！阿爹等你講呢句說話等左廿五年！為左蘇察哈爾家你應該咁做！
蘇燦激動拍檯：唔好誤會！我咁做唔係為左任何人！只係為左個女仔姐！
蘇燦父激動拍檯：英雄！為女死為女亡為女上京考狀元！何家女子？
蘇燦：怡紅院金牌清官人如霜姑娘。
蘇燦父：隻雞！
蘇燦：乜野唔妥呀？
蘇燦父激動拍檯：品味與別不同！真係能人所不能，阿爹欽佩你！
《逃學威龍3龍過雞年》
湯茱迪︰我屋企個老公唔係我老公黎ga！
陳sir︰我唔係好明喎，你講清楚d。
湯茱迪︰你地個黎sir幫我搵番個老公，同我個老公一模一樣既呢，
但係我返屋企就發覺，同我老公一模一樣個老公，根本就唔係我老公。
陳sir︰黎sir幫你搵返個老公，個老公個樣同你個老公一樣，不過你發覺呢個老公唔係果個老公？
湯茱迪︰佢根本就唔係我老公。
陳sir︰咁你即係懷疑呢個類似老公既物體唔係你老公。
湯茱迪︰咁上下啦！
陳sir︰咁你應該搵黎sir丫嘛！
湯茱迪︰我打過電話搵黎sir，點知有個唔係黎sir 既黎sir，話而家呢個唔係我老公既老公係我老公喎。
陳sir︰呢個唔係黎sir 既黎sir扮黎sir話俾你聽呢個唔係老公既老公係你老公。
湯茱迪︰咁上下啦！
《唐伯虎點秋香》
唐伯虎向華夫人解釋時rap出來﹕
稟夫人，小人本住在蘇州的城邊，家中有屋又有田，生活樂無邊，點知個唐伯虎，
佢橫蠻不檢點， 勾結官俯無目天，巧取亳奪我家田，我阿爺同佢反面，慘被佢一棍來打扁，
我阿麻鬧佢欺善，更被佢捉了去唐府，強姦了一百遍，一百遍，最後仲懸樑自殺慘無邊。
佢還將我父子，趕出了家園，流落到江邊，我為求養老父，只有獨自行乞在廟前，
點知個唐伯虎，佢實在太陰險，知道此情形，竟派人來暗算，
把我父子狂毆在市前，小人身壯健，殘命得留存，可憐老父佢魂歸天，
此恨更難填，我為求葬老父，唯有賣身為奴咁作賤， 一面勤賺錢，一面讀書篇，
發誓要把功名顯，手刃仇人意志堅！從此唐寅詩集伴身邊，我永記此仇不共戴天！！！
唐伯虎︰燒雞翼，我鍾~~~意食。
使者：但係支持月影講你就快釘。
朱茜︰愈係快釘之所以愈要整多隻，如果依家唔食以後冇機會再食。
使者：你真係就快釘？
唐伯虎︰我真係就快釘。
三人︰如果依家唔食以後冇機會再食。
華府低等下人之歌﹕
死做爛做似隻雞，俾人鬧仲要開口笑，似隻雞，好好笑！俾人鬧仲要笑笑口，似隻雞，好好笑！
唐伯虎︰喂！明益街坊呀拿！全新第一手好靚孝子大平賣呀！唔買都尼睇下啦喂！……好慘呀真係！
石榴：靚仔呀，你晨早留留起度賣身葬父，好大吉利是ga喎！
唐伯虎︰唉！我都唔想ga！
秋香：點解你咁熟面口既？我地起邊度見過？
唐伯虎︰所謂相逢何必曾相識呢！不如兩位姐姐仔可憐下我把啦！
石榴：真係慘囉！還掂我地爭個下人，不如就………
孝子：好慘呀！賣身葬陷家！
唐伯虎︰唔係呱！
孝子：兩位姑娘，可憐下我啦！我陷家六件，一晚死晒，身染十級肺癆，半賣半送，你買我啦………
秋香：石榴呀，佢又真係慘好多呀，不如都係買佢番華府把啦！
石榴：咁就買佢啦！
唐伯虎︰姐姐，我黎先ga喎！
秋香：呢個唔係先後既問題丫嘛！
石榴﹕係羅，人地死六件，你先死得果一件，我都好想幫你呀，但係好難做ga嘛。
唐伯虎︰但係我都慘口番！
石榴：咁你有咩慘野你晒埋出黎啦！
唐伯虎︰咁我…我…你睇我幾日冇剪指甲，捆晒黑邊架啦，唔通咁都仲唔夠慘咩！
旺財：out……out……
孝子：旺財…旺財…旺財你唔好死呀旺財…你跟我咁耐，對我有情有義，
肝膽相照，但係大佬未曾俾過一餐飽飯你食，我對你唔住呀………
唐伯虎︰小心呀！（石榴踩死一隻蟑螂)
唐伯虎︰哎呀！小強！小強你點呀小強！小強你唔好死呀小強！
我同你相依為命、同甘共苦左咁多年，已經當你係我親生骨肉咁供書教學，
估唔到今日白頭人送黑頭人……呀。
祝枝山發毒誓﹕如果我再賭錢既話，
我就俾天下最醜樣既女人日夜輪姦至體無完膚搖搖欲墜為止。
唐伯虎詩一﹕好在我拼命咁護住塊面，咁我英俊既相貌先得以保存，
今晚就搵機會向佢來表白，看妳個秋香對我動情不動情？
唐伯虎詩二﹕我個心又悲我個心又痛，八個老婆都sa li龍虫，
人家當我享盡齊人福，查實空虛寂寞兼且凍兼且凍。
唐伯虎詩三﹕順利過關成為書僮，一切都盡在我掌握中，
越黎越接近秋香姐，今日既心情確係唔同，呀確係唔同。
唐伯虎詩四﹕桃花塢裡桃花庵，桃花庵下桃花仙， 桃花仙人種桃樹，
又摘桃花換酒錢。別人笑我太瘋癲，我笑他人看不穿，不見五陵豪傑墓，無花無酒鋤作田。
四大才子對聯﹕山下一群鵝，噓聲趕落河，落河捉鵝醫肚餓，食完番歸鋤老婆。
《破壞之王》
差人甲︰咩名呀？
何金銀﹕何金銀！
差人甲︰身份証呢？
何金銀︰亞Sir，你睇我全身仲邊度可以攝得落張身份証呀？
差人甲︰咁你認唔認得果個老笠你個樣個「忍」呀？
何金銀︰唔明！
差人甲︰我問你呀，認唔認得老笠你個樣個「忍」個「忍」樣呀？
差人乙︰等我黎啦師兄！
差人乙︰阿Sir問你呀，認唔認得老笠你個「忍」個樣呀？
何金銀接受?問﹕除暴安良係我地做市民既責任，而行善積德亦係我本身既興趣，
所以拖阿婆過馬路我每星期都做一次，星期日同埋公眾假期有三四次添既。
老闆為榮記茶餐廳宣傳﹕我地既菠蘿飽裡面真係有菠蘿既，我地既西多士真係有屎既！
《九品芝麻官》
雷豹追蹤江洋大盜到戚家的婚禮，戚家眾人在找包龍星，但找不到，原來他在檯底………
下人：大人呀，人地踩過界，我地仲匿埋檯底咪好冇面？
有為：咪嘈啦，係豎抖涼咪幾好。
包龍星：佢而家氣勢強，我專登壯大佢個膽先，等佢呢就容易做錯野，
個氣勢會轉番弱，到其時我出其不意行出去煎佢既皮，拆佢既骨。
這時包龍星才發現雷豹在他身後……
包龍星：咩姐！我起度研究點食乳豬你都要偷聽既！
尚書大人問包龍星遭誰人陷害………
包龍星：果個人就係常威，佢老豆就係水師提督常昆果個仆街陷家產！
尚書﹕你地認為應該點做呢？
包龍星：我恨不得將佢兩父子既人頭……黎擤屎。
有為：阿叔你擤完就比我擤。
包龍星：你擤完俾返我，我再擤。阿伯你有冇興趣，我借你擤一下。
有為：你判左****呀！
包龍星：****！
有為：係呀！佢地話你勾結江洋大盜，推阿婆落海，販賣軍火，強姦隻豬。
包龍星：我絕對冇強姦隻豬！
《國產凌凌漆》
唉~~~你咁樣做係無用ga，好似你呢d咁出色既男人，無論匿響邊度，
都好似漆黑中既螢火蟲一樣，咁鮮明，咁出眾。你憂鬱既眼睛，唏噓既鬚根，
神乎奇技既刀法，同埋果杯Dry Matinee，都徹底將你出賣左……雖然你係咁出色，
但係行有行規，琴晚果筆過夜數你都未找，叫雞唔洗俾錢呀？
凌凌漆：咁多年啦，我以為國家已經將我忘記左。
司令：點會呢，就算係一張廁紙、一條底褲都有佢既??用ga嘛。
凌凌漆：呢個比喻真係一流。
凌凌漆：今次我接受國家既任務，亦都係有備而黎，好似呢個Model F40咁樣，
表面上係個大哥大電話，但係你睇到呢度有層白金屬網膜，實際上，佢係一個鬚刨黎，
呢個係方便我地出席一d宴會場合，能夠神不知鬼不覺咁剃鬚……呢個Model 911，
表面上係一個鬚刨，實際上，佢係一個風筒黎。
阿琴拎起另一個風筒：駛唔駛咁多風筒呀？
凌凌漆：風筒只係佢表面既掩飾，事實上，佢係一個鬚刨黎，問你死未？
阿琴：唔怪得之你咁靚仔啦！
凌凌漆：又唔好咁講。
阿琴：咁你唔見左個風筒呢，唔知點算呢可？
凌凌漆：難我唔到，我並唔係浪得虛名。其實我著緊呢對鞋，都係一個風筒。
《西遊記101回之月光寶盒 》
至尊寶：邊個﹗？
菩提老祖：我咪你帶番黎果揪菩提子囉！
至尊寶：你係菩提子？
菩提老祖：唔係，我係「菩提老祖」呀！
至尊寶：咩「唔提老母」話？
菩提老祖：你講粗口，我係「菩提老祖」呀！我係神仙呀！我化做提子黎救你ga！
至尊寶：你撻左我揪菩提子，仲「唔提老母」！
春三十娘：俾把劍佢！
二當家把劍遞給至尊寶……
春三十娘：佢呀！
二當家：把劍遞給白晶晶……
白晶晶把劍抽出，順勢「片」了二當家一下
二當家：哎呀！你片左我大髀一野呀！
白晶晶：我有心既！
二當家：啊，咁你開張單黎我俾番錢你！
白晶晶：唔駛客氣！
春三十娘：裡面點呀？死得未呀？
至尊寶：你死我地都未死呀！我地乜事都冇呀！晶晶姑娘不知幾靚女，
我就照舊靚仔到不得了，我地不知幾靚仔靚女。
《西遊記大結局之仙履奇緣 》
至尊寶：貴姓呀先生？
青霞：姓林。
至尊寶：原來你就係我大佬講果個林青霞。
青霞：你大佬？
至尊寶：琴日俾你打果條粉腸叫做「至尊寶」既呢！
青霞：咁你呢？
至尊寶：我係佢孖生細佬「至尊玉」。
青霞：至尊寶至尊玉，你想呃我呀？
至尊寶：你真係冰雪聰明。其實我大佬個真名叫秦漢，我叫秦祥林。
唐僧向孫悟空說﹕做咩呀？你愛呀？你愛要出聲先得架，你愛我俾你，
你唔愛我當然唔會俾你啦！無理由你話愛我唔俾你，你唔愛我俾你ga嘛！大家講道理嘛！
拿，我數三聲，你話愛唔愛喇喎？
菩提：你暈左既時候，叫左「晶晶」呢個名九十八次。
至尊寶：晶晶係我娘子。
菩提：仲有一個名叫「紫霞」既你叫左七百八十四次。
至尊寶：喂~~
菩提：七百八十四次，阿「紫霞」梗係爭你好多錢。
唐僧唱Only You﹕ Only You Can Take Me取西經
Only You 能殺妖精鬼怪 Only You 能保護我
唔俾d蚌精蟹精嗒我 只有你咁勁 就是Only You
On~On~On~Only You 莫怪師父「暗沉」
戴番個箍 莫怕死咪發Ti Teng
碰到釘咪驚 I understand 要全力地去do 要驚就兩分驚 喃嘸啊呢陀佛
唐僧向妖魔講道理﹕所以話做妖同做人一樣，都要有仁慈既心。有左仁慈既心，就不再係妖，係人妖。
《回魂夜》
鐵膽：拿，差唔多掟野落黎ga啦！呢個禮拜掟左三晚野落黎ga啦！先旨聲明呀，邊個放手先邊個輸ga！
阿強：唔止呀！邊個走開就輸雙倍呀！
大孖：d人又會掟野落街咁無聊既！
細孖：無聊得過我地起度等佢掟野落黎！
Leon解釋自己點解咁大膽﹕好話唔好聽，我由BB仔開始已經見過飛碟，
即係世人所講既UFO，不明飛行物體你懂唔懂？四歲果年我又見過傳說中既尼斯湖水怪，
又同喜瑪拉雅山既大腳八傾過偈猜過枚，再加上我由細到大，日日朝頭早都玩過山車，
晏晝就玩海盜船，亦都會朝頭早玩海盜船，晏晝先玩過山車，黃昏再玩多次海盜船都試過呀我話你聽。
鐵膽：你俾隻野摙到七孔流血你都唔死得既？
Leon：七孔流血還七孔流血，死還死，兩樣野黎既，千祈唔好混淆。
《百變星君》
李澤星：邊個俾二百萬我認邊個做老豆！
廁所達：二百蚊我有！
李澤星：二百萬！喂！你番入去洗廁所啦！
廁所達：二十五年前，有一晚我起柴房度睇緊鹹書，你阿媽光脫脫咁衝入黎熄左盞燈………
星母：喂！喂！喂！你唔好亂講呀！果晚我有著襪架！
廁所達：對唔住！我記錯！佢當晚著住一對白襪仔，老爺果晚唔起屋企，
我一時把持唔住就同你阿媽……………開番燈之後，我好後悔……………
《大內密探零零發 》
病人：大夫，我…………
零零發：開劑藥過你好嗎？
病人：咪咁心急咋，聽我講埋我有乜野唔妥先啦！
零零發：咩唔妥都係開劑藥既姐，冇第二條路行ga啦！
零零發：拎藥……俾錢……送客。
病人：大夫，我一場黎到，俾我講埋我有乜野唔妥先啦！拍爛檔啦！等我講埋先啦！
零零發：我俾你講，一路行番屋企一路講丫，到屋企都仲未講完由頭再講多次添丫！下一位。
佛印：好啦！好啦！即刻頒埋今晚既壓軸大獎，相信大家一定估到既，
冇錯，最佳男主角就係…………阿發外父！
阿發外父：哈哈哈哈……我知ga，如果唔係我，邊個係姐！哈哈哈……我見到佢入左雞竇呀！
零零發：咪住先下，對唔住。正話果場戲我由頭帶到尾ga嘛，
係水準之作有目共睹ga啦！你點會比果條契弟。
佛印：你都唔錯，但係流於表面，好似頭先老婆聽你心跳果場戲呢，表情造作，略嫌浮誇播。
零零發：呢d係世俗人對我既睇法姐，你冇理由都唔識貨ga！
《食神》
司儀介紹食神﹕
佢高傲，但係宅心人厚；佢低調，但係受萬人景仰；
佢可以將神賜俾人類既火運用得出神入化，可以煮出堪稱火之藝術既超級菜式！
佢究竟係神仙既化身，定係地獄黎既使者呢？冇人知，但可以肯定，每個人都俾佢一個稱號─食神！
鹼水麵冇過冷河，所以成碗湯有鹼水味。魚蛋亦都冇魚味，但係你為左掩飾，
專登加d咖喱汁將佢做成咖哩魚蛋，但係咁做太天真，因為你煮既時間唔夠，
咖喱味根本只係起表面，而冇入到裡面，掂到湯之後重要沖走埋。好好地一粒咖喱魚蛋，
俾你整到冇魚味亦都冇咖喱味，失敗！蘿蔔冇揀過啦，太多渣，失敗！d豬皮又煮得太淋，
冇咬口，失敗！d豬紅鬆泡泡，一夾就散，失敗中既失敗！最慘係d大腸，裡面都未通乾淨，
重有舊屎，你有冇攪錯呀？
史提芬周﹕爭咩丫，溝埋黎做瀨尿牛丸丫，笨！
基哥食完瀨尿牛丸後既感覺﹕
從來未試過咁清新、脫俗既感覺，牛肉既鮮、瀨尿蝦既甜，溝埋一齊既味道，
居然比老鼠斑有過之而無不及，甚至比我既初戀更加詩情畫意，
所謂「舉頭望明月，低頭思故鄉」，好詩！好詩！
張檯有咁窄得咁窄，張凳有咁迫得咁迫咪等d友坐得咁舒服，食完拿拿聲好走，
支飲管有咁粗得咁粗，冰有咁大舊放咁大舊，杯汽水咪chur一聲飲完買過第二杯囉！
味公主的評述﹕好輕功！輕功奧妙之處係可以令一個好似海狗咁重既人，飛到老鷹咁高，
其間仲可以鬼殺咁嘈……好摺凳！摺凳奧妙之處係可以藏於民居之中，隨手可得，
而且仲可以坐住佢黎掩藏殺機，就算俾差人拉到亦都銼你唔入，真不愧為七種武器之首。
《97家有囍事》
老老頭：好耐冇見啦喎，你好嗎？
萱母：好！你老婆呢？
老老頭：過左身啦！
萱母：好！
老老頭：你先生呢？
萱母：都係過左身啦！
老老頭：都好！
小萱：你有冇女朋友？
老恭 ：冇！
小萱：因為我唔鍾意一腳踏兩船！
老恭 ：一腳踏兩船呢種禽獸既所為，人人得而誅之啦！
小萱好激動：仲有呀，一夜情，我~~唔得呀！
老恭 ：一夜情呢d咁恐怖既野，我諗起都個人覺得唔舒服。
小萱：呀！千期唔好趙完唱！
老恭 ：嘩！趙完唱呢d…（頭暈)我…小萱你唔好再講！呢d呢d行徑呢，
因為…我個人接受唔到！呢d野，我一講起我就…就成個人煎寒煎凍，
我一諗起個心成個囈住，（作嘔)，我…我好凍呀…小萱我…我真係…我諗起都唔得…小萱比多d溫暖我。
《算死草》
陳夢吉對洪十八說﹕不愧為一條盪氣迥腸既漢子。
陳夢吉：仁哥，過黎，請企起此房間切勿行開，將會有一大水柱由此窿射向你面之際，
請將此豬利塞向此窿，明解冇？……講次聽下。
阿仁：…………
陳夢吉：顶，陣間有條老連咁大既水柱，起呢個窿度射到你個陷家產一面都係既時候呢，
你就將呢條仆街豬利塞去支持月影呢個窿度呀！！！
阿仁：啊！早講啦你！
陳夢吉：賤格！
公子：再考你，一點一畫長，長長o彭支槍，阿木對阿木，阿公冇左一忽肉。係個咩字？
陳夢吉：Woo………，比啖粥水食下好喎！
公子：考起呢！答案就係──中文字，好多人以為英文字黎ga！
《行運一條龍》
葉玉芬：先生，你咁面善既，我地係咪識ga？
何金水：你認錯人喎！
葉玉芬：冇理由，你把聲真係好熟，可唔可以再講野尼聽下？
何金水：I"m sorry, I"m see doctor, very hurry……
葉玉芬：何金水！
何金水：我唔係何金水喎。
路人甲：咦！何金水，尼睇醫生呀？今日唔駛番茶餐廳咩？我走先啦！bye！
葉玉芬：何金水！
何金水：一睇就知我起中環番工啦，茶餐廳，呢d咁既人渣起度白撞……
路人乙：先生，你跌左身分證喎！何金水丫嘛！
何金水：唔係我跌ga喎！
路人乙：明明係你個樣黎ga喎！
何金水：人有相似得唔得呀？
路人乙：唔係喎，睇住你跌ga喎！
何金水：睇錯得唔得呀？
路人乙：我發誓，如果我睇錯，就腸穿肚爛，生仔冇
《喜劇之王》
尹天仇向眾人講佢對劇本既分析﹕
關於呢個角色我分析過啦，其實呢，係可以分成三個層次、四個階段同五種不同既演繹方法，
我將佢地抄低落黎，等我同大家研究一下。仲有呢，如果要俾外國觀眾更容易咁接受我呢個新人呢，
我打算改一個英文名，叫做，Number……
尹天仇送飯盒後唔記得收錢………
BEN：喂！唔收錢呀？
天仇：多謝，廿五個半丫。
BEN：咁貴？
天仇：加底嘛。
BEN：唔加底呢？
天仇：三十六個八。
BEN：唔加底仲貴過加底？
天仇：哦，唔加底十二個二。
BEN：咁加底呢？
天仇：三十六個八。
BEN：你頭先又話廿五個半既？
天仇：啊！係！廿五個半。
BEN：今日早餐賣咩？
天仇：咩呀？
BEN：今日早餐賣咩呀？
天仇：火腿雞蛋。
BEN：幾多錢？
天仇：十二個二。
BEN：加底呢？
天仇：廿五個半。
BEN：早餐都有加底ga咩？
天仇：你加兩條腸都得既。
BEN：咁我加三條腸幾多錢呀？
天仇開始混亂：唔好啦！
BEN：幾多錢呀？
天仇：我送外賣ga。
BEN：我問你幾多錢呀？
天仇：我唔知呀。
BEN：幾多錢！
天仇：我真係送外賣ga。
BEN：你唔係外賣仔！
少林足球》
明鋒起街上觀看大銀幕直播足球比賽……
五師兄﹕波，唔係咁射既。
明鋒：你講咩話？
五師兄﹕我話波，「笨」唔係咁射既。
明鋒：咁應該係點射呀？
五師兄﹕一句說話，「腰馬合一」。
明鋒：何謂「腰馬合一」呀？
五師兄﹕「腰馬合一」呢，起我心目中浩氣長存既已故偉大武術家李小龍先生已經解釋過ga啦！
但係如果你想再知多d既，唔o岩跟我學兩堂功夫丫！
明鋒：學咩功夫丫！睇你個樣咪起處掃地既！
五師兄﹕掃地只係我表面既工作，我真正身份係一位研究「身」。
明鋒：研究「身」？
五師兄﹕從事如何有效率地發揚少林武功既研究工作。
原曲：California Dreaming
大師兄﹕少林功夫醒（五師兄﹕好好野）
大師兄﹕少林功夫勁（五師兄﹕係好「掯」）
大師兄﹕我係鐵頭功（五師兄﹕無敵鐵頭功）
大師兄﹕你係金剛腿（五師兄﹕我係金剛腿…（笑)）
（大師兄﹕正經d啦！）
五師兄﹕少「能」功夫好野（大師兄﹕真好野呀）
（五師兄………笑)
五師兄﹕少「能」功夫好野（大師兄﹕係好野呀）
五師兄﹕少「能」功夫好「掯」（大師兄﹕冇得頂呀）
五師兄﹕我係金剛腿（大師兄﹕金剛腿）
五師兄﹕佢係鐵頭功（大師兄﹕嘩～！嘩～！嘩～！）
五師兄﹕對阿梅唱山歌﹕
呢~~~~~~
太極功夫整饅頭呢，驚天動地～
饅頭睇落又香又甜，好鬼想食～
但見阿妹雙臂好力～
令到阿哥五體投地～
阿星一連吃了兩個「甜在心饅頭」……
阿梅：饅頭五毛錢一個，兩個一塊。
五師兄﹕咁貴o既咩？
阿梅：係呀。
五師兄﹕所以話真係一分錢一分貸，喂，我o岩o岩得五毫子起身，過兩日俾埋你得唔得？
阿梅：唔得！
五師兄﹕好！學武之人講句說話都灑脫d既！查實我都係武林中人，俾下面好唔好？
阿梅：唔好！
五師兄﹕好！（拎出穿著的破鞋)我呢雙名貴波鞋原價兩蚊既，
見係你，就個半銀錢，拎多你一個饅頭算啦！
少林隊跟一業餘球隊進行友誼賽…………
四眼對手：從佢地整齊既制服，友善既眼神，我完全可以感受到果份誠意，同埋…體育精神。
五師兄﹕多謝！
四眼對手從褲內跌左一支「士巴拿」，眾人即刻望著……
四眼對手：大家唔好緊張，我本身呢，係一個汽車維修員，
呢把「士巴拿」係我用黎上螺絲用既，係好合理既。
四眼對手褲內又跌下一支槌：正如我頭先所講，我身為一個汽車維修員，
有把槌仔起身邊，亦都係好合邏輯既。
明鋒：得啦得啦，你地球隊既作風，起業餘界都出晒名，我完全明白。
四眼對手：哦，果d只係虛名黎既姐。就好似浮雲一樣…………
明鋒看到阿星用「大力金剛腿」打走一群**後，對他驚為天人……
明鋒：你介唔介意「那」高少少條褲俾我睇下你隻腳呀？
五師兄﹕我心情唔係幾好，你要「那」自己「那」！
明鋒：哦！
明鋒跪在地上抬起阿星的右腳欣賞一番﹕真係天生神力！
明鋒吐口水在腳上再用衫袖抹乾淨﹕好一隻「奪命香雞腳」﹗
五師兄﹕係少林派既「大力金剛腿」！
五師兄遊說四師兄組隊踢波…………
四師兄：喂！點稱呼呀？
明鋒：叫我阿鋒得啦。
四師兄：鋒哥呀嘛？起財經界邊個唔識阿鋒哥丫！你睇你一身既IT Look！
五師兄﹕阿鋒哥係足球教練黎既。
四師兄：足球教練呀嘛！起足球界邊個唔識阿鋒哥姐！我地細細個睇阿鋒哥踢波啦！
你係用對腳踢波ga嘛！拿，我冇講大話啦！有咩撈先？
五師兄﹕eh……諗住搵你組隊踢波囉！
四師兄：咩話？你搵我踢波？我半年冇野撈啦，你搵我踢波！？
五師兄﹕唔係呀！你當年既鬼影擒拿手如果拎黎做龍門呀………
四師兄：鬼咩影擒拿手丫？N年前既事啦！師父死左幾耐我都唔記得啦！
五師兄﹕你聽我講啦！今次我地參加兩年一度既超級盃，贏左有一百萬獎金ga！
四師兄：下話！所以我不嬲都話你係最醒目既！睇你撈到身光頸靚，你睇你靚到！
當年師父叫我地將少林功夫發揚光大，宜家拎黎踢波都俾你兩條仆街諗到，
直情係「掂」！你睇下你睇下，當年我地幾師兄弟既合照，我一路都擺起枕頭底你就知我咩啦！
阿星遊說六師弟組隊踢波…………
六師弟拎出一張以前自己既靚仔相片：你睇我以前個樣……自從搞成咁之後，
連女都溝唔到，呢種心情你地係唔會明ga。
五師兄﹕我明，我又何嘗溝到女丫？
六師弟：唔係呀，報紙雜誌話你好多女個喎？
五師兄﹕咩報紙雜誌呀！？
六師弟：對唔住………我又講錯野。
五師兄遊說二師兄組隊踢波…………
五師兄﹕不過我前排我見你仲倒緊屎ga，點解好地地又轉做洗碗呢？
二師兄：點解？「點解」唔係你地問呀，係我問呀！點解我老豆唔係李嘉誠？
點解我生得咁靚仔，但係要甩頭髮；你地兩個咁肉酸，
但係冇甩頭髮？（五師兄同明鋒即刻撥自己頭髮）點解人地細個時有書讀，
而我細個時就俾個老坑逼住練咩爛鬼武功，練到依家起呢度，洗碗！倒屎！
五師兄﹕二師兄，你冷靜d啦，其實命運始終掌握起自己手既。
二師兄：冷靜？如果我唔夠冷靜呀，我就一刀斬死你兩個粉腸！冷靜？
阿梅以濃妝艷抹出現見阿星…………
阿梅：Hi~~~~~
五師兄﹕阿梅？
阿梅：點呀………？
五師兄﹕嘩，估唔到你個人係咁ga。
阿梅：咩即………？
五師兄﹕你以為我唔知你想點呀？
阿梅：講咩喎？好衰ga你。
五師兄﹕你嚇我唔倒ga，我都唔怕鬼既，你知唔知呀！？
阿梅在決賽最後關頭出現，欲替少林隊把關，五師兄將佢拉到一旁………
五師兄﹕你為甚麼弄成跟外星人一樣？
阿梅：我不會剪頭髮，剃光了比較快點。
五師兄﹕那這是幹甚麼？
阿梅：我想幫你們比賽呀！
五師兄﹕你怎麼幫呀？你快點回去火星吧，地球是很危險的。
《蓋世豪俠》
段飛﹕飲啖茶，食個飽 。
段飛﹕你講野呀﹖
《他來自江湖》
何鑫淼，拖狗時唱﹕馬小靈，妳在何處馬小靈，我王小虎空有威名……
何鑫淼稱讚明師奶講野有料到﹕靚姑語錄，句句入肉。
何鑫淼﹕先生幾多位，mark開邊條仔﹖
《孖仔孖心肝》
魯細罵佢老豆魯輝﹕我地做人，出黎處世，咁大個人，係咪要成日俾人話住！輝！生性啦！
魯輝：下！佢唔俾我睇高級藝術成人錄影帶？
魯細﹕係鹹帶！
魯細同佢老豆魯輝講﹕我同我阿媽係切肉不離皮。而你，就好似我個籮友咁，
雖然人地見唔到，但係都係一樣切肉不離皮ga！
我最喜欢、印象深刻的~
煽情《大话西游》
（突然紫霞拔出宝剑抵在至尊宝的咽喉上。）
画外音：当时那把剑离我的咽喉只有0.01公分，但是四分之一炷香之后，那把剑的女主人将会彻底地爱上我，因为我决定说一个慌话。虽然本人生平说了无数的慌话，但是这一个我认为是最完美的……
紫霞：你在往前半步我就把你给杀了！
至尊宝：你应该这么做，我也应该死。曾经有一份真诚的爱情放在我的面前，我没有珍惜，等我失去的时候我才后悔莫及。人世间最痛苦的是莫过于此。你的剑在我的咽喉上割下去吧！不用在犹豫了。如果上天能够给我一个再来一次的机会，我会对那个女孩子说三个字：我爱你。如果非要在这份爱上加上一个期限，我希望是——一万年。
